Tútturnar

Bitra gella

2006-02-20T12:41:00.000Z

Ég var að vinna á laugardaginn í Baðhúsinu sem er svo sem ekki frásögufærandi nema hvað að um hádegið birtist þar ung kona í leðurdressi með hjálm á höfðinu. Með henni í för voru kátar konur með myndavélar á lofti. Týpísk gæsastemming að mér fannst. Þegar hjálmurinn fór af sá ég kunnuglegt andlit, GUÐRÚN!!! Henni var svo skutlaði inní afró tíma og ég stóð eftir að kafna úr bitru. Hugsið ykkur, Guðrún að fara að gifta sig og hefur ekki minnst á það einu orði við saumó. Fýlan lak af mér og ég var um það bil að fara að hringja í ykkur dömur til að skammast yfir framferði Guðrúnar og leggja til að hún yrði gerð útlæg úr saumó fyrir svikin. En einmitt í því kom Anna Sig fram en hún var einmitt sú sem að mundaði myndavélina. "Jæja, hvenær er svo brúðkaupið" spurði ég súr í bragði! Nei það er ekkert brúðkaup, bara afmæli svaraði Anna. Úpps a deisí, soldið pínlegt en svona er að vera bitur í lífinu.

Sorry Guðrún að ég skyldi láta mér detta í hug að þú færir að gifta þig án minnar blessunar :)

ÁFRAM REGÍNA!!!

2006-02-16T17:11:00.000Z

Mig langar bara að hvetja hana Regínu okkar til dáða á laugardaginn. Ég hlakka til að sjá performansinn hennar, því hún er með langflottasta lagið og er langflottasta sögnkonan. Ég veit við ætlum allar að kjósa hana og hver veit nema við getum sigrað dru..... hana Silvíu!!!
Regína stattu þig svo við höfum allar afsökun til að skreppa til Grikklands í vor!!!
Baráttukveðjur frá Túttunum!
Ps. ætla ekki örugglega allar að mæta til Grikklands ef hún vinnur...?

Febúrar saumó!

2006-01-31T15:20:00.000Z

Sælar túttur nær og fjær og gleðilegt ár!
Vil bara byrja á að þakka eðaltúttunum Röggu og Betu fyrir frábært kvöld á föstudaginn. Alveg eðal stelpukvöld með öllu tilheyrandi, verðum að gera þetta oftar!
Var annars bara að velta fyrir mér næsta saumó - held að það sé eðaltúttan Elísabet sem klikkar aldrei. Bíð bara eftir fréttum - það hlýtur nú að vera komið eitthvað nýtt og spennandi slúður á árinu, var ekki einhver að fara að gifta sig???
Kv. Jórunn
ps. Ragga er ólétt aftur...

Næsti saumó...

2005-12-18T12:49:00.000Z

Já, nú er bara komið að því... saumó hjá mér 20. desember, næsta þriðjudag. Hvernig er staðan hjá ykkur þá?
Ég hlakka til að sjá ykkur. Ég er á fullu að undirbúa komu jólanna, klára gjafirnar og taka svolítið til.

Kv. Helga

Prófin búin!!

2005-11-25T20:38:00.000Z

Jæja prófið mitt búið og gekk svona lala, allavegana glöð að það er búið! Hélt nú að ég væri löngu hætt þessu en maður klárar sennilega aldrei alveg.
Nú tekur við afslöppunarhelgi í London með börnum og foreldrum, alveg langþráð og notalegt. Rosalega jóló hér við Oxford street, ég veit að sumar ykkar yrðu dolfallnar yfir þessum jólaljósum með teiknimyndafígúrunum á, alveg svakalegar. Til hamingju Fjóla og til hamingju Lóa, verður þetta kannski stórviðburðarár??? eru ekki fleiri í gangi?? Cheers mate!

Aight

2005-11-16T11:12:00.000Z

Ég er svo til í hitting stelpur, finnst að við ættum að allar að starfa á Helgu og fá saumó sem allra allra fyrst. Án efa mikið slúður sem bíður þess að vera slúðrað og löngu kominn tími á það. Af mér er allt það besta að frétta, bara love love love og vinna og same old. Við Óli erum að leita okkur að 3 herb íbúð á leigu svo þið megið endilega láta mig vita ef þið fréttið af einhverju. Verður maður ekki að hafa alla anga úti :)
Annars er ég bara farin að sakna ykkar soldið mikið babys og finnst að við ættum að hittast sem fyrst.
Þið getið líka fylgst með svaðilförum mínum á mínu bloggi www.karenulrich.blogspot.com
Sjáumst vonandi bráðum!

söknuður

2005-11-16T07:18:00.000Z

Ohh stelpur hvað ég sakna ykkar mikið!! Vildi innilega að ég væri á landinu til að geta verið með í næsta saumó!! Ég ætla rétt að vona að ég komist í desember saumó. Eins og ég sagði í mailinu kem ég til landsins 16. desember och Lóa tveimur dögum seinna. Ég fer til Akureyrar á jóladag og verð þar þangað til ég fer aftur út þann 30. des. Vona að þið getið hnoðað í smá saumó fyrir jól á milli þess sem þið hnoðið í allar smákökurnar!!!
Pétur Thor er orðið stór og sterkur strákur, hann segir það alla vega sjálfur. Hann er þrælduglegur að læra bæði íslensku og sænsku, hann er svo duglegur að hann skiptir yfir þegar ég kem og sæki hann!! Mér finnst þetta alveg ótrúlegt, en hann hefur ekkert fyrir þessu!!
Það gengur vel í vinnunni hjá mér, en ég er að vinna hjá Félagsþjónustunni í Frölunda við fjárhagsaðstoð. Finnst þetta bara gaman, en langar að skipta yfir í eitthvað annað þegar ég flyt heim.
Jæja, þá finnst mér þetta bara vera orðið gott,
Hlakka til að sjá ykkur í jólastuði!!
Magga

Hvað er að gerast?

2005-11-15T11:41:00.000Z

Jæja, fyrst ég er að hvetja til þess að blogga 1x í mánuði verð ég að ríða á vaðið og tjá mig örlítið.

Fyrir þær sem fylgjast eitthvað með blogginu hennar Karenar vitið þið að við ofurgellurnar skelltum okkur til Köben um daginn. Frekar fínt.
Ég og Karen vorum komnar heim til Lóu fimmtudaginn 3.11 kl.15. Eftir mikið knús og kossa þrömmuðum við Karen í verslunarleiðangur og leyfðum Lóu að klára að læra. Magga mætti svo á svæðið kl. 15 föstudaginn 4.11 og þá vorum við Karen búnar með maraþonshoping. Og þá tók við aðalfjörið - mikið af bjór, rauðvíni, hvítvíni, frosen margaritas, vodka, salsa, frosen margaritas. Úff hvað þetta var gaman - ég held að ég hafi ekki verið svona sæt og grönn síðan í Hagaskóla.

Við fjórar höfum einnig ekki djammað allar saman síðan 2000 þannig að það var alveg komin tími á þetta.
Helgin leið ótrúlega hratt og fyrr en varði var maður komin heim aftur.

Sævar var heima með Arnþór og allt gekk einsog í sögu. Drengurinn saknaði mömmu sinnar ekkert :-( hi hi hi. Ég hinsvegar saknaði hans frekar mikið og sérstaklega þegar ég var að pumpa brjóstinn - djöfull er það leiðinlegt. Mér til skemmtunar sprautaði ég mjólk á Karen ;-) sem hafði ótrúlegt en satt ekki eins gaman af því.

Annars er helst að frétta að ég hef verið að reyna að lesa heimildir og undirbúa mastersritgerðina mína sem ég ætlaði að fara að skrifa í jan og feb. Það má segja að það sé frekar erfitt með einn lítinn á heimilininu. Nú hefur hinsvegar planið breyst og ég mun fara að vinna í byrjun jan eftir 7 mánaðar fæðingarorlof - segji ykkur allt um það þegar við hittumst:-) ekki panica - þessu fylgja bara skemmtilegar fréttir.
En ég þarf að gera nýtt plan um hvernig ég klára þessa ritgerð - ég þarf að fara að koma henni frá mér.

Arnþór fór í 5 mánaðasprautu um daginn, þá var hann einnig þyngdarmældur og tékkað á lengdinni. Drengurinn er orðin 7,68 kg og 67 cm. Alveg ótrúlegt - og þetta bjó maður sjálfur til - er nú ekki enn búin að fatta það að líkaminn sé svona fullkominn. - alveg ótrúlegt.
Ég er að vinna í að búa til heimasíðu með myndum, það gengur ekki alveg einsvel og ég vildi en ég sendi ykkur slóðina þegar ég klára það:-)

En það er alveg ótrúleg hvað tíminn líður hratt - nú líður bara að jólum og allar helgar í des orðnar bókaðar í jólahittinga og jólaglögg. Ég er að fara í brúðkaup 3. des til Steina og Hjördísar vinafólks okkar og ég hlakka ekkert smá til. Strax komin með fiðring í magann. Alltaf gaman að fara í góð brúðkaup. Nú þarf maður bara að plana eitthvað atriði og finna fín föt. Elín -ert þú ekki með allt svona á hreinu?

Hlakka til að heyra í ykkur.

Hittingur og slúður

2005-11-15T11:38:00.000Z

Það er orðið svo langt síðan við hittumst að ég man ekki einusinni hvenær það var :-( Sökum þess er ég að öllum líkindum komin með varanleg frákvarfseinkenni. (Þið kannist við það - ekkert mega krassandi slúður í marga mánuði og engin tilkynning um óléttu eða brúðkaup, það fer þvílíkt ílla í mann)

Ég veit fyrir víst að ein góð tilkynning bíður bara eftir saumó og því vil ég leggja til að við höldum hann sem fyrst :-Þ

Einnig er sonur minn orðin rúmlega 5 mánaða og aðeins örfáar túttur hafa séð þetta fullkomna og fallega barn. Fjóla hlítur einnig að vera búin að eiga - var amk sett í júlí og ég hef enn frétt af 13 mánaða meðgjöngu - hlakka mikið til að sjá krílið.

En svo við förum aðeins yfir planið þá á Helga saumó í nóv og þá höfum við klárað einn hring og ég á þá að vera með des saumó. ( ég hef svo planið hér að neðan svo þið getið sett í kalanderinn hjá ykkur hvenær þið eruð með saumó).

Næstu hittingar:
1. Saumó hjá Helgu (Helga ræður dagsetningu)
2. Saumó hjá Röggu ( útlanda túttur þurfa að senda hvenær þær eru á landinu og Ragga boðar svo saumó - líklegast á milli jóla og nýjárs)
3. Finnst vera komin tími á árshátíð - leita eftir tveimur geðveikislega hressum túttum í árshátíðarnefnd :-) Fínt að halda í jan-feb eða mars.

Síðan vil ég endilega minna ykkur á síðuna okkar er http://mh-tutturnar.blogspot.com/ - vistið þetta endilega í favorites. og hér er síðan sem þið notið til að skrá ykkur inn : http://www.blogger.com/start

En svo vil ég líka stinga uppá að allir skelli inn bloggi 1x í mánuði - bara koma með helstu fréttir frá þeim. Sérstaklega gaman fyrir okkur á Íslandi að fá fréttir frá útlandatúttum og fyrir þær að heyra í okkur hér á klakanum. Bara stutt blogg til að segja frá hvað er í gangi - hvernig börnin dafna - hvernig námið er - djámmið - hvort vid höfum rekist á einhverja gamla MH félaga ogsfrv.

Tilgangur síðunar er að koma upplýsingum á framfæri án þess að senda endalausa tölvupósta. Sumir hafa lent í einhverjum vandræðum með að skrá sig inn. Endilega kíkið á það aftur og verðið í sambandi við Betu um að ganga frá því í eitt skipti.

Hinsvegar þurfið þið ekki að vera skráðar inn til að geta lesið bloggið og skrifað blaður. Þannig að allir eiga að geta fylgst með því helsta.

Ég vil hvetja ykkur til að skoða þetta og nýta ykkur þennan vettvang því það er lítið gang af síðunni ef aðeins viss hluti hópsinn notar síðuna.

Hér er svo saumóplan næstu mánaða: Alltaf fyrsta þriðjudag í mánuði nema des saumó og sumarsaumó.
Nóv-saumó - Helga
des- saumó - Ragga
jan- saumó - Beta - spurning hvort þessi lendi beint oní des saumó - spáum í því.
feb-saumó - Regína
mars-saumó - Fjóla
apríl-saumó - Elín B.
mai- saumó - Elín H.
sumar- saumó - Jórunn
sept-saumó - Guðrún
okt-saumó - Karen

Hlakka mikið til að sjá ykkur sem fyrst.

Takk fyrir síðast!!

2005-09-23T17:13:00.000Z

og þarsíðast þið sem voruð í stuði!! Það var virkilega gaman í partíinu hennar Karenar og mætti alveg vera meira um slíkt í hópnum. Svo er nú Ragga að komast í gírinn og verð að segja að eftir rúmlega 1 1/2 árs djammstraffs okkar Röggu saman var virkilega ánægjulegt að skála við hana aftur svo ég er nú aldeilis farin að hlakka til sumarbústaðarferðar og nú verður sko skálað í pottinum!! -hvenær eigum við annars að fara?
Kv. Jórunn

ps. hvernig var það, datt sept saumóinn út eða berast kannski ekki fréttir hingað úr Hafnarfirðinum???

Túttur takið eftir!

2005-08-25T13:22:00.000Z

Baby´s ég ætla að halda partý laugardaginn 3 sept til að fagna því að vera orðin einu árinu eldri. Ykkur er að sjálfsögðu boðið elskurnar og megið endilega taka kallana með. Mæting um 22:00 skál í boðinu og gleði fram eftir kvöldi.
Það væri fínt að heyra frá ykkur hverjar ætla að mæta!
Ykkar Elskandi
Frk Ulrich

Sumarsaumó!

2005-07-28T22:25:00.000Z

Gleðilega verslunarmannahelgi framundan stelpur, vonandi skemmtiðið ykkur vel!
Mér var úthlutað að halda sumarsaumó og var að spá í næstu viku ef einhver er í bænum. Jafnvel bara þriðjudagskvöldið ef það næst! Hvernig líst ykkur á, látið nú í ykkur heyra.

Til hamingju Ragga!

2005-06-10T00:05:00.000Z

Já enn eitt túttubarnið og ekkert lítið fallegur drengur, alveg eins og pabbi sinn. Ragnheiður stóð sig víst með stæl enda ekki við öðru að búast. Nú er bara eins gott að þú farir að mjólka þig Ragga mín svo þú komist með okkur á djammið þegar Ella gella kemur úr heimsreisunni.
Hvernig er það annars er þessi síða barasta ekkert að gera sig? Ég er á leiðinni á Fáskrúðsfjörð á sunnudaginn að ná mér í smá monní og verð í heila viku. Það var eitthvað búið að ræða um djamm 17.júní helgina - er einhver í bænum þá? Kannski bara fresta því eða hvað?
Svo á ég að hafa sumarsaumó, ætlum víst bara að hafa eitt slúðurkvöld í sumar því við erum svo bisí. Er að spá í hvort einhver tími sé betri en annar, eruð þið búnar að plana sumarfrí eða eru einhverjar útlandatúttur á landinu í sumar?? Hvað finnst ykkur?

Makadjamm???

2005-04-17T21:05:00.000Z

Jæja stelpur, í haust var ákveðið að reyna að fylgja ákveðnu skipulagi í saumó. Meðal annars var ákveðið að hafa makadjamm árlega og stefnt að því að hafa það ca mars-apríl. Þau sem mættu síðast þar sem við fórum í keilu og svo heim til Elínar Baldvins muna að þetta var bara gríðarlega gaman og ekkert nema gott mál fyrir kallana okkar að hittast. Við höfum öll gott af því að skella krúttunum í pössun og hrista aðeins til í mannskapnum.
Hvernig er stemmingin fyrir þessu? Ég var að spá í t.d. fyrstu helgina í maí (6. eða 7.), endilega komið með hugmyndir að einhverju skemmtilegu, það þarf alls ekki að vera neitt formlegt eða dýrt - bara gaman.
Jórunn

Takk Beta!!

2005-04-01T10:22:00.000Z

Hæ stelpur!
Ég vil bara nota tækifærið o g þakka henni Betu innilega fyrir alla þessa saumaklúbba sem hún hefur haldið undanfarið!! Ótrúlegur dugnaður Beta!! Hrópum þrefalt húrra fyrir henni,
HÚRRA, HÚRRA HÚRRRRRAAAAAAA
Takk Beta mín, ég met þetta mikils!!

Saumó

2005-01-31T10:34:00.000Z

Sælar túttur

Við samþykktum fyrir jól að hafa ákveðið skipulag á saumó. Þar var ákveðið að hann yrði alltaf fyrsta þriðjudag í mánuði og að hver tútta er ábyrg fyrir sínum saumó og ef þú dagsetning hentar henni ekki þarf hún að finna einhvern annan til að taka hann fyrir hana.

Fyrsti saumó var 2. nóv og svo var jólasaumó hjá Betu milli jóla og nýjárs með erlendu túttunum.

Þar sem stutt var í fyrsta þriðjudag í janúarmánuði þá var þeim saumó frestað.

Planið var svo eftirvarandi.
Nóv-saumó - Ragga
des- saumó - Beta
jan- saumó - Regína - Féll niður
feb-saumó - Fjóla
mars-saumó - Elín B.
apríl-saumó - Elín H.
mai- saumó - Jórunn
sumar- saumó - Guðrún
sept-saumó - Karen
okt-saumó - Helga

Ég mæli með því að þetta breytist um einn mánuði og þá er Regína næst.
feb-saumó - Regína
mars-saumó - Fjóla.
apríl-saumó - Elín B.
mai- saumó - Elín H
sumar- saumó - Jórunn
sept-saumó - Guðrún
okt-saumó - Karen
nóv-saumó -Helga

Því er spurning hvort það sé ekki örugglega saumó hjá Regínu á morgun?

síðan okkar er http://mh-tutturnar.blogspot.com/ - vistið þetta endilega í favorites.

Tilgangur síðunar er að koma upplýsingum á framfæri án þess að senda endalausa tölvupósta. Sumir hafa lent í einhverjum vandræðum með að skrá sig inn. Endilega kíkið á það aftur og verðið í sambandi við Betu um að ganga frá því í eitt skipti.

Hinsvegar þurfið þið ekki að vera skráðar inn til að geta lesið bloggið og skrifað blaður. Þannig að allir eiga að geta fylgst með því helsta.

Ég vil hvetja ykkur til að skoða þetta og nýta ykkur þennan vettvang því það er lítið gang af síðunni ef aðeins viss hluti hópsinn notar síðuna.

Hlakka til að sjá ykkur.p.s ég sendi póstinn hennar Elínar Baldvins á elin@bugt.is - er hun að nota það netfang núna?

kveðja, Ragga

Nýjasta túttubarnið!

2005-01-18T22:28:00.000Z

Jæja nýjasta túttubarnið kom í heiminn á settum degi 17.janúar kl.10.58. Ég var gangsett á sunnudagskvöldið útaf meðgöngueitrun og kl 6 um morguninn var belgurinn sprengdur og allt fór í gang. Allt gekk voða vel og hratt eftir það og þurfti mamma litla varla að rembast þegar litla daman rann ójá Magga mín hún rann sko alveg eins og selur út á núlleinni!
Litla daman er ósköp fíngerð, 13 merkur og tæpir 52 cm, með smá svart hár. Sefur nonstop, drekkur og ropar eins og sannur karlmaður! Við fengum að fara heim í kvöld og stóri bróðir var ósköp montinn og hugsar nú bara um að passa litlu systir sem heitir Gabríela.

Útskrifuð

2005-01-16T11:08:00.000Z

Jæja stúlkur!!
Þá er ég loksins útskrifuð sem félagsráðgjafi og ekkert annað bíður mín annað en atvinnuleysi!! Er að leita mér að vinnu á fullu og sæki um allt sem er í boði. Það kemur bara í ljós hvernig þetta fer allt saman!! En við vonum það besta. Ég hélt að sjálfsögðu mega partý til að gleðjast og það var fyllerí og dansleikur fram á nótt hérna. Hefði gjarnan viljað hafa ykkur með og saknaði ykkar allra!!
Annars er ég búin að fá pláss hjá dagmömmu fyrir Pétur Thor og við erum að fara að hitta hana á Þriðjudaginn. Þetta verður allt saman mjög spennandi, það er eiginlega líka komin tími til að hann fari að heyra smá sænsku. Hann skilur ekkert nema íslensku greyið litla. Síðan var vinkona mín að passa hann um daginn og hann horfði bara á hana sem eitt spurningamergi í framan og var ekki að skilja upp né niður í því sem hún var að segja við hann. Þannig að nú er kominn tími á hann.
Þá er þetta komið nóg af okkur. Ég vil nota tækifærið og óska Jórunni vel gengis í fæðingunni og ég vona innilega hennar vegna að litla barnið renni út eins og blautur selur!! Jórunn þú segir okkur síðan frá hvernig gekk þegar þetta er allt gengið um garð.
Kveðjur úr Svíaríki, Magga og fjölskylda.

Nýja árið

2005-01-02T10:44:00.000Z

Gleðilegt nýtt ár elskurnar. Hér sit ég ein í vinnunni í vægast sagt annarlegu ástandi, og berst við að skrifa með Pamelu Anderson nöglunum, nýársfögnuður Húddarana var gargandi snilld að venju og var það alger slembilukka að mér tókst að mæta í vinnuna í morgun. Þannig að nýja árið byrjar vel og skál fyrir því!

Nýjar Naríur

2004-11-30T13:56:00.000Z

Lagerútsala á nærfötum í dag milli 17-19 hjá Christel hjallahrauni 10 Hfj!
Ég frétti af þessu upp í Baðhúsi frá eiganda Christel og það á að vera eitthvað dúndurverð á nærfötum til dæmis dýrasti brjóstahaldarinn á 2000.- Drífum okkur og náum okkur í ný nærföt fyrir jólin ;)

Allir að mæta!

2004-11-27T10:17:00.000Z

Óvenjuleg tískusýning í Iðu, Lækjargötu - gegnt Bernhöftstorfunni

"Mig langaði til þess að kalla á hjálp, en ég var svo hrædd að ég kom ekki upp orði."
Úr íslenskum dómi um heimilisofbeldi

Í dag laugardag, 27. nóvember, klukkan 15.00 mun Amnesty International á Íslandi standa fyrir óvenjulegri tískusýningu, svonefndri "áverkasýningu" í Iðu, Lækjargötu. Þekktar íslenskar konur taka þátt í sýningunni, þær:

Unnur Ösp Stefánsdóttir,
Margrét Eir Hjartardóttir,
Guðrún Gísladóttir,
Elma Lísa Gunnarsdóttir,
Laufey Brá Jónsdóttir og
Katrín Jakobsdóttir.

Þær koma fram í fötum frá Spútnik og Rögnu Fróða. Meðan sýningarstúlkurnar ganga fram mun kynnir lesa upp úr íslenskum dómsmálum um heimilisofbeldi og sýningarstúlkurnar verða farðaðar eftir áverkalýsingum úr þeim dómsmálum. Þær munu tala í stað kvennanna sem urðu fyrir þessu ofbeldi. Undirspilið verða hljóð sem þolendur heimilisofbeldis þekkja of vel, sírenur, högg og brothljóð.

Sýningin er haldin sem hluti af 16 daga átaki gegn kynbundnu ofbeldi er stendur yfir frá 25. nóvember til 10. desember.

Á sýningunni verða áverkar heimilisofbeldis, sem sjaldnast eru sýnilegir, dregnir fram í dagsljósið og brotinn sá þagnarmúr, sem umkringir þetta samfélagsvandamál.

Verkefnið er skipulagt af Amnesty International á Íslandi (www.amnesty.is).

Komið og sjáið!

Smá afskiptasemi framh.

2004-11-25T07:51:00.000Z

hæ hæ

Ég bjallaði í Regínu sem á að sjá um janúar saumó og desember er alveg geðveikur hjá henni. Því er ekki líklegt að hún geti flutt saumóinn sinn.

Hinsvegar datt mér í hug hvort einhver annar vildi bjóða til saumó í byrjun des. Gaman að hittast og spjalla áður en jólaösin hefst. Við sjáum Möggu líka svo sjaldan þannig að mér þætti það upplagt.

Er einhver sem bíður sig fram?

smá afskiptasemi...

2004-11-10T07:02:00.000Z

Stelpur, ég er bara að spá...
Desember saumó verður eiginlega í janúar þannig að þið megið alveg flytja jan. klúbbin fram í byrjun des ef þið viljið!!

Er hægt og rólega að koma mér fyrir

2004-10-27T09:44:00.000Z

Jæja, þá er þetta nú að verða nokkuð heimilislegt hjá mér, bækurnar og græjurnar komnar upp. Á bara eftir að flísaleggja í eldhúsinu...er ekki alveg að meika þetta eins og það er núna...bara einhver grá steypa...en það verður örugglega allt reddý 30. desember...trúi bara ekki öðru uppá mig ;o)

Nóv og des saumó

2004-10-26T15:36:00.000Z

Jæja, næsti saumó er hjá mér Vesturgötu 69 þriðjudaginn 2.nóv kl. 20 - þ.e. í næstu viku.

Síðan er ég búin að vera í sambandi við Möggu og Lóu. Þær mund báðar vera í bænum 30 des. Því ætlar Beta að bjóða okkur til sín 30. des kl. 20.

Hlakka til að sjá ykkur allar.

Konur sameinist

2004-10-26T13:23:00.000Z

Jæja stúlkur, er einhver ykkar sem hefur áhuga á að vinna að mannréttindabaráttu kvenna og að því að stöðva ofbeldi gegn konum í heiminum. Ég er í Amensty samtökunum og er að reyna að koma af stað aðgerðahópi svo kölluðum kvennahópi. Þetta er semsagt hópastarf og gert er ráð fyrir að hópurinn hittist 1 sinni í mánuði og sé þess á milli að sinna smávægilegum verkefnum eins og bréfaskrifum og upplýsingasöfnun. Þetta er mikilvægt starf sem getur bjargað mannslífum! Ef þið hafið áhuga eða vitið um einhvern sem hefði áhuga á að taka þátt þá senda mér póst" kge@hi.is

dýralíf

2004-10-21T18:28:00.000Z

Þetta er nú meira dýralífið hér í sveitinni þar sem ég bý!! Maður er alltaf að rekast á eitthvað, ef það eru ekki froskar inni hjá manni, dádýr og hérar í garðinum þá eru elgir á vappi fyrir utan búðina mína!! Já, þið lásuð rétt, ELGIR!! Það var sko mömmu elgur með tvo kálfa á vappi hjá búðinni og það er búið að setja upp skilti við hraðbrautina að maður eigi að passa sig á elgunum sem eru á sveimi!! Mér var ekkert alveg sama þegar ég rakst á þessa elgi, það er alltaf verið að segja manni að þeir séu hættulegir og eitthvað þannig að ég dreif mig bara inní bíl áður en þeir sáu mig og brunaði heim.

Mánaðarlegir saumaklúbbar

2004-10-20T13:16:00.000Z

Það var samþykkt í síðasta saumó að við myndum halda mánaðarlega saumaklúbba flesta mánuði ársins þ.e. jan, feb, mars, apríl, mai, sept, okt, nóv. Einn saumó yfir sumarmánuðina og des saumó áhveðin með tilliti til túttna sem koma heim frá útlöndum.

Mánaðarlegu saumaklúbbarnir eiga að vera alltaf á áhveðnum degi. Ég mundi vilja stinga uppá fyrsta þriðjudegi í mánuði. Hvað segið þið um það?

Fyrsti mánaðarlegi saumó yrði þá 2. nóv. Hver tútta er ábyrg fyrir sínum saumó og ef þú dagsetning hentar henni ekki þarf hún að finna einhvern annan til að taka hann fyrir hana.

Ég henti hérna upp skipulagi fyrir næsta árið.

Nóv-saumó - Ragga
des- saumó - Beta
jan- saumó - Regína
feb-saumó - Fjóla
mars-saumó - Elín B.
apríl-saumó - Elín H.
mai- saumó - Jórunn
sumar- saumó - Guðrún
sept-saumó - Karen
okt-saumó - Helga

Hvernig líst ykkur á þetta?

Komin heim frá Köben

2004-10-19T18:58:00.000Z

jæja við komum heim frá Köben fyrir rúmri viku og ég hef verið í 7 daga að stefna að skriftum á þessu fína bloggi. En það er bara búið að vera alveg brjálað að gera og því hefur það dregist. Þið munuð samt sem ekki missa af þessari þræl skemmtilegu ferðasögu ;o)

Ferðin hófst með öllara út á Leifstöð einsog allar góðar flugferðir.

Þegar við lentum á Kastrup var 4 manna fjölskylda frá Ísafirði fljót að hafa uppá okkur sem tilvöldum leiðsögumönnum á hótelið sitt í miðborg Köben. Við, sem afskaplega góðhjartað fólk tókum þau upp á arma okkar og kenndum þeim á lestarkerfið, fundum handa þeim kort, tókum með þeim lestina niður á aðalstöð og teiknuðum upp fyrir þau leiðina á hótelið þeirra. Eftir það lá leiðin beint á veitingastað þar sem við hittum Hrund og Rúnar vinafólk okkar. Síðan var etið og drukkið e-ð fram eftir kvöldi.

Laugardagurinn einkendist af margra klukkustunda ferð í H&M á strikinu þar sem við bæði fundum eitthvað við hæfi, nærföt, náttföt, skó, buxur, sokka, peystu, boli og jakka. Ótrúlegt hvað er mikið hægt að versla í einni verslun. Þegar við gengum svo frá kaupunum báðum við afgreiðslukonuna um pappírspoka sem við gætum haft yfir höfðum okkar þegar við gengum út úr búiðnni og niður restina af strikinu. Því miður átti hún ekki pappírspoka :-( Við reyndum því að deila innkaupunum niður í marga poka þannig að það liti amk út fyrir að við versluðum þetta ekki allt í einu.

En eftir þessa ferð fór nú að hitna í kolunum. Hjónaleysin komin í ný föt og Lóa og Þróstur á leiðinni í fordrykk. Mikið var geðveikt gaman að hitta þau aftur:-)
Við fengum okkur nokkra fordrykki og svo var farið á geðveikan veitingastað!!! Þar fengum við okkur fordrykk, kengúru og krókudílasteikur, rauðvin, eftirmat, kaffi, Bailys og G&T. Geðveikur staður, geðveikur matur, geðveikt fólk = fullkomið kvöld. Síðan endaði kvöldið á einhverri ölstofu þar sem drykkjan hélt áfram.

Sunnudagurinn var sannkallað letilíf og við endum í frábæru lasanga hjá Lóu. Mánudagurinn var svo aftur tekin á Stikinu, verslað örlítið meira og svo bara setið og chillað á kaffihúsi með einn kaldan . . . þvílíkt líf!!

Auglýst eftir!!

2004-10-14T14:35:00.000Z

Sælar túttur!!
Loksins er ég komin inn eftir endalausar error tilraunir!! Innilegar hamingjuóskir með íbúðina elsku beta!! Og til hamingju með litla krílið elsku Sara!!
Eins og þið kanski flestar vitið þá komum við Pétur Thor til Íslands þann 16. nóv. Ég vil hér með auglýsa eftir barnaferðarúmi sem hægt er að fá lánað þann tíma sem ég er á landinu. Á einhver svoleiðis til að lána okkur, eða þekkir einhvern sem á slíkt sem situr í geymslunni??
Annars allt gott að frétta héðan, Pétur Thor komin á fullt skrið og farin að segja mamma, pabbi , datt og bað!!
Er að fara að halda fyrirlestur á morgun í skólanum og vona innilega að það eigi eftir að ganga vel!! Krossið fyrir mig fingurna!!
Kveð að sinni,
Magga

Íbúðin afhent á morgun...

2004-10-14T11:17:00.000Z

...jæja stúlkur þá er komið að því...ég fæ íbýðina mína á morgun.
Þá er bara að byrja að parketleggja....og ætli ég þurfi ekki að flísaleggja líka...fæ nú aðstoð við þetta allt saman þó að ég myndi nú alveg treysta mér í þetta ein. Hef flísalagt borð og það gekk nú bara mjög vel.

En í ljósi þessa hefur lítið annað gerst hjá mér undanfarna daga annað en að vinna og undirbúa flutning.
Þegar ég fór í IKEA á sunnudaginn var eins og ein afgreiðslustúlkan væri að heilsa mér...ég skildi ekkert í því, því ég þekkti hana ekki neitt. Svo fór ég að spá í því hvort að starfsfólkið væri farið að þekkja mig af því að ég er búin að vera að versla ansi mikið í IKEA núna undanfarið.

Allavega...hlakka til að bjóða ykkur öllum í innflutningspartý...dagsetning ekki komin enn.

Þunnildi

2004-10-11T09:31:00.000Z

Það er mánudagsmorgun og mig grunar að það sem hrjái mig sé þynnka!
Það var aðeins skrallað á laugardag og ég slapp við þynnku í gær, en hún er semsagt búin að finna mig núna. Held að það hafi bara verið að renna af mér fyrst núna. Þvílíkt líferni ;)

Smá spjall

2004-10-07T18:28:00.000Z

jæja stelpur

kl. er 18:30 á fimmtudagkveldi og ég sit hérna í vinnunni að hamast við að klára verkefnin mín áður en ég held til Danaveldis á morgun. Auðvitað leiðist mér að vera hér að kvöldi til og áhvað að deila hugsunum mínum með ykkur meðan ég bíð eftir kvöldmatinum mínum.

Ég hafði rosagaman að því að hitta ykkur á mánudaginn. Bumban hennar Jórunnar stækkar og stækkar og ég saknaði þess að fá ekki að sjá hina bumbuna :-( en Elín Jórunn komst því miður ekki. Spjallað var um heima og geima, stráka, kossa og börn nr. 2. Þessi umræðu efni einkennast að því að aðeins 2 af 5 túttum sem komu til Jórunnar eiga börn. Sú staða er sérstaklega óalgeng en saumó var þrátt fyrir það mjög skemmtilegur.

Spái í einu: Núna í febrúar 2005 verða 10 börn í þessum 13 manna saumaklúbbi og fyrri rúmum 2 árum var aðeins 1. Eða 11 og 2 ef við teljum hann Kjartan minn með. Einnig styttist í þrítugsafmælin okkar . . . en það er bara hið besta mál þar sem við stefnum á Túttu borgarferð á því skemmtilega ári. ALLIR AÐ BYRJA AÐ SPARA - STRAX.

Annars er ég að deyja úr spenningu fyrir Kaupmannahafnar ferðinni minni. Við förum á morgun og ég bíð spennt eftir einum köldum á Leifsstöð.

Ég ræddi við Möggu túttu fyrir nokkrum dögum. Hana hakkar mikið til að koma heim og hitta ykkur allar. Hún kemur heim 16. nóv og ætlar aldeilis að detta í það á meðan hún er í stórborginni. Þar sem við erum nú allar tilkippilegar í djamminu legg ég til að sem flestar reyni að koma með okkur Möggu á djammið :-)

Heyrumst eftir helgi með djammsögur frá Köben.

Það sem gerðist í gær...

2004-10-05T14:55:00.000Z

...var það að farið var yfir lög Túttnanna og þau samþykkt.
Annars voru Tútturnar bara að kjafta, en sá merkilegi atburður átti sér stað að ein Túttnanna mætti með handavinnu. Líklega hafa bara 3 Túttur gert það, Elín Bald, Elísabet og Magga!
Held að Jórunn Tútta hafi ekki alveg verið sátt við þetta ;o)

Skyndi-sumó

2004-10-04T16:09:00.000Z

Skyndi-saumó í kvöld hjá Jórunni ofurmömmu!

Mæli með slíku í rokinu....

Beta

Jahérna

2004-10-01T09:34:00.000Z

Nú líst mér á, Beta þú ert snilli ;)
Nú hef ég eitthvað meira að gera í verkfallinu, en þessa dagana þarf ég bara að hanga í vinnunni og reyna að skemmta sjálfri mér. Grunnskóli án barna er vægast sagt furðulegur staður. Ég er meira en til í hitting á mánudag, hvort sem að það er saumó eða bara kíkja á kaffihús þær sem eru lausar. Ég held að minnsta kosti að ég sé alveg laflaus á mánudagskvöld.

Til hamingju með síðuna!!!

2004-09-30T16:02:00.000Z

Til hamingju með síðuna stelpur, flott framtak Beta, vonandi verður þetta til að virkja okkur hingar og pósthólfið hennar Regínu þarf ekki að fyllast af endalausum reply pósti.
Styð algerlega tillögu Röggu um að hafa saumó í næstu viku. Skv. reglunum sem voru hálfsamþykktar á síðasta aðallfundi skal halda saumaklúbb fyrstu vikuna í okt en ekki er búið að skipa listann eða nefndir svo er ekki einhver til í að bjóða sig fram í næstu viku. Ég reikna með að komast á mánudaginn. Er sjálf að fara til New Orleans eftir viku svo þetta má ekki dragast mikið...

Halló túttur!

2004-09-30T14:48:00.000Z

Frábaer sída, Takk Beta!
Og tilhamingju med nýju íbúdina!
Thad var allt of langt sídan ég lét heyra í mér, ég aetla reyna ad verda duglegri núna.
Er ekki viss hvort thid erud búnar ad frétta af thví, en ég er ófrísk og verd sennilega sett í gang í naestu viku! :-)
Óska ad ég kaesmist heim í saumó annad slaegid, ég er svo forvitin ad vita hvernig thid tútturnar hafid thad og vaeri svo gaman ad hitta ykkur.
Jaejae, ég laet nú kanski heyra í mér eftir viku eda svo thegar litla krílid er komid í heimin.

Gaman gaman....

2004-09-29T20:48:00.000Z

Hæ hæ allar og Beta til hamingju með nýju íbúðina...
Þetta er alveg þrælsniðugt að hafa svona síðu. Nú verða bara allar að vera vera duglegar að skrifa hvað þær eru að gera...(ekki það að ég verði sú duglegasta!) Allt gott að frétta af mér, loka ekki á mér munninum alla daga, gólandi út um allan bæ
Heyrumst
Regína

Smá frétt...

2004-09-29T15:57:00.000Z

Ég get til dæmis hér með tilkynnt ykkur það að ég er búin að kaupa mér íbúð ... loksins!!!
Fæ afhent eftir ca. 3 vikur og flyt þá í Þorláksgeislan í Grafarholtinu.

Túttusíða komin í loftið

2004-09-28T14:53:00.000Z

hæ hæ

Mikið er ég ánægð að aðal TÚTTUR bæjarins eru komnar með eigin vettvang til að ræða saman og slúðra.

Ég og Sævar eru nýbúin að bóka helgarferð til Köben 8-11 október og hlökkum mikið til. Búið er að panta út að borða á GEÐVEIKAN ástralskan veitingastað á laugardagskvöldinu. Auðvitað ætla Lóa og Þröstur að koma með okkur og gera sér glaðan dag. Ég er að deyja úr spenningi og hlakka mikið til að sjá Lóu.

Síðan finnst mér að einhver eigi að bjóða í saumó næsta mánudag því þá er kallaklúbbsfundur heima hjá mér . . . og mér hennt út!!!

Bara byrjunin

2004-09-28T14:46:00.000Z

Jæja, þá er besta að reyna að byrja á þessu.

Vinsamlegast hafið í hug að ég er ekki alveg endanlega búin að ganga frá þessu...og á eftir að vinna að ýmsu. Ætlaði að bíða með að láta ykkur vita af þessu þangað til allt væri tilbúið...en hef núna ákveðið að bara láta vaða.

Munið svo að þegar þið ætlið að skrá eitthvað þá þurfið þið bara að fara inná www.blogger.com og logga ykkur inn á því username og password sem þið veljið ykkur.

Ef þið lendið í einhverjum vandræðum þá hafið þið bara samband við mig.